कार्वे येथे युवतीचा निर्घृण खून,पोलीस घटनास्थळी दाखल
अनिल कदम
Jan 3, 2022
2215
कार्वे येथे युवतीचा निर्घृण खून
पोलीस घटनास्थळी दाखल :
कराड/प्रतिनिधी :
कार्वे ता. कराड येथे युवतीचा डोक्यात दगड घालून खून झाला आहे. सोमवारी 3 रोजी सकाळी कार्वे-कोरेगाव रोडनजीक उसाच्या शेतात युवतीचा मृतदेह आढळला. स्थानिकांच्या ही बाब निदर्शनास येताच त्यांनी याबाबतची माहिती पोलिसांना कळवली. त्यानंतर कराड ग्रामीण पोलीस ठाण्याच्या अधिकारी-कर्मचाऱ्यांनी तात्काळ घटनास्थळी धाव घेतली. पोलिसांनी घटनास्थळाचा पंचनामा केला असून पुढील तपास सुरू करण्यात आला आहे.
याबाबत घटनास्थळावरून मिळालेली माहिती अशी की, कार्वे येथील कार्वे-कोरेगाव रोडनजीक एका व्यक्तीचा निर्घुण निर्घृण खून झाल्याची घटना सोमवारी सकाळी स्थानिक नागरिकांच्या निदर्शनास आले. त्यानंतर स्थानिकांनी याबाबत तात्काळ कराड ग्रामीण पोलिसांना घटनेची माहिती दिली.
याबाबतची माहिती मिळताच कराड ग्रामीण पोलीस ठाण्याचे पोलीस निरीक्षक खोबरे यांच्यासह पोलिस अधिकारी व कर्मचार्‍यांनी तात्काळ घटनास्थळी धाव घेतली. त्यानंतर पोलिसांनी घटनास्थळाची पाहणी करून पंचनामा केला. दरम्यान, मृतदेहाच्या अवस्थेवरून युवतीचा डोक्यात दगड घालून खून केल्याचा प्राथमिक अंदाज पोलिसांनी वर्तवला आहे. कार्वे-कोरेगाव
रोडवनजीक ऊसाच्या शेतात यूवतीचा मृतदेह आढळलून आला असून मृतदेहाची अद्याप ओळख पटवण्याचे काम सुरू आहे.
दरम्यान, कराड व पाटण तालुक्यात नुकत्याच काही खुनाच्या ताज्या घटना घडलेल्या असतानाच कराड नजीक कार्वे येथे युतीचा डोक्यात दगड घालून खून झाल्याच्या घटनेने कार्वे परिसरासह कराड, पाटण आणि एकूणच जिल्हाभरात खळबळ उडाली आहे. युवतीचा खून नक्की कशावरून झाला असावा? याबाबत पोलिसांनी तपास सुरू केला असून लोकांमध्ये भीतीचे वातावरण निर्माण झाले आहे.
