बेलवडे बुद्रुक येथे रविवारी आरोग्य तपासणी शिबिर
बेलवडे बुद्रुक येथे रविवारी आरोग्य तपासणी शिबिर
कराड/प्रतिनिधी :
बेलवडे बुद्रुक ता. कराड येथे नारायण राजाराम मोहिते यांच्या स्मृतिप्रित्यर्थ रविवारी 9 रोजी छत्रपती शिवाजी महाराज सभागृहात मोफत आरोग्य तपासणी शिबिराचे आयोजन करण्यात आले आहे. नवचैतन्य पॅथॉलॉजी लॅबोरेटरीच्या वतीने या शिबिराचे आयोजन करण्यात आले आहे.
या आरोग्य तपासणी शिबिरामध्ये मधुमेह, हृदयरोग, गुडगेदुखी, सांधेदुखी, कर्करोग व संबंधित गाठींची तपासणी व उपचार, हिमोग्लोबीन व रक्तगट तपासणी, रक्तातील साखर तपासणी, ईसीजी तपासणी मोफत केली जाणार आहे. डॉ. सुशांत मोहिते, डॉ. विजयसिंह पाटील, डॉ. ओंकार काकरे, डॉ. प्रतीक मोटे आदींच्या मार्गदर्शनाखाली आरोग्य तपासण्या व उपचार केले जाणार आहेत. या मोफत शिबिराचा ग्रामस्थांनी लाभ घ्यावा, असे आवाहन संयोजकांकडून करण्यात आले आहे.