सोलापूरच्या गुरुजींना सात कोटींचा पुरस्कार
सोलापूरच्या रणजितसिंह डिसले गुरुजींना ७ कोटींचा ग्लोबल टीचर पुरस्कार सोलापूरचे झाले साऱ्या जगात
अनिल कदम
Dec 3, 2020
1689
सोलापूरच्या रणजितसिंह डिसले गुरुजींना ७ कोटींचा ग्लोबल टीचर पुरस्कार सोलापूरचे झाले साऱ्या जगात
सोलापूर/महेश गायकवाड-
माढा तालुक्यातील परितेवाडी येथील जिल्हा परिषद शाळेचे शिक्षक रणजितसिंह डिसले यांना युनेस्को व लंडनस्थित वार्की फाउंडेशन यांच्या संयुक्त विद्यमाने दिला जाणारा ७ कोटी रुपयांचा ग्लोबल टीचर पुरस्कार जाहीर झाला आहे. ते माढा तालुक्यातील आणि वैराग जवळील परितेवाडी येथे शिक्षक म्हणून कार्यरत आहेत.
जगातील सर्वोत्तम शिक्षक म्हणून त्यांची निवड झाली असून भारताला पहिल्यांदाच हा सन्मान मिळाला आहे. जगभरातील १४० देशांतील १२ हजारहून अधिक शिक्षकांच्या नामांकनातून त्यांची निवड झाली आहे.
सोलापूर जिल्हा परिषदेतील शिक्षक रणजितसिंह डिसले यांना 7 कोटी रुपयांचा ग्लोबल टीचर पुरस्कार जाहीर झाल्यामुळे परितेवाडी गावात आज जणू दिवाळी च झाली जगातील सर्वोत्तम शिक्षक म्हणून डिसले यांचा गौरव झाला आहे डिसले यांच्या रूपाने भारताला पहिल्यादाचं मिळाला सन्मान मिळाला आहे.
युनेस्को व लंडनस्थित वार्की फाउंडेशन यांच्या संयुक्त विद्यमाने दिला जाणारा ग्लोबल टीचर प्राईझ आज जाहीर झाला असून सोलापूर च्या परितेवाडी जिल्हा परिषद शाळेतील शिक्षक रणजितसिंह डिसले यांना 7 कोटी रुपयांचा हा पुरस्कार आज जाहीर झाला आहे.
लंडन मधील नॅचरल हिस्ट्री म्युझियम मध्ये झालेल्या समारंभात सुप्रसिद्ध अभिनेते स्टीफन फ्राय यांनी याची अधिकृत घोषणा केली.
असा पुरस्कार मिळणारे ते पहिलेच भारतीय शिक्षक ठरले आहेत। जगभरातील 140 देशांतील 12 हजार हुन शिक्षकांच्या नामांकनातून अंतिम विजेता म्हणून डिसले गुरुजींची घोषणा करण्यात आली आहे। QR कोडेड पुस्तकांच्या माध्यमातून महाराष्ट्रचं नव्हे तर देशातील शिक्षण क्षेत्रांत अभिनवं क्रांती केलेल्या कामाची दखल घेत त्यांना हा पुरस्कार जाहीर झाला आहे.
पुरस्काराच्या एकूण रक्कमेपैकी 50 टक्के रक्कम अंतिम फेरीतील 9 शिक्षकांना देण्याचे रणजीतसिंह डिसले यांनी जाहीर केले असून, यामुळे 9 देशांतील हजारो मुलांना गुणवत्तापूर्ण शिक्षण दिले जाईल। डिसले गुरुजींना मिळालेली रक्कम ते टीचर इनोव्हेशन फंड करीता वापरणार असून त्यामुळे शिक्षकांमधील नवोपक्रमशिलतेला चालना मिळणार आहे.
